Tume ya utangazaji Z'bar (ZBC) yatoa onyo kali kwa Radio Noor

TUME YA UTANGAZAJI ZANZIBAR (ZBC) IMETOA ONYO KALI KWA IDHAA YAKIISLAM YA RADIO NOOR FM KUHUSU VIPINDI VYAKE ILIVYOVIRUSHA HEWANI KATI YA TAREHE 17 HADI 19 OKTOBA MWAKA JANA.

KWA MUJIBU WA BARUA ILIYOWASILISHWA LEO KATIKA STUDIO ZA RADIO NOOR FM NAKUSANIWA NA KATIBU MTENDAJI WA TUME YA UTANGAZAJI ZANZIBAR TUME HIYO IMEDAI KUWA KWA MAKSUDI KITUO HIKI KIMEHUSIKA KATIKA KUWASHAJIHISHA WASKILIZAJI KUSHIRIKI NAKUJIHUSISHA KATIKA VITENDO VYA UVUNJAJI WA AMANI MIKUSANYIKO PAMOJA NA GHASIA KINYUME NA MAADILI YA KHABARI KAMA INAVYOELEZWA NA TUME YA UTANGAZAJI ZANZIBAR KATIKA SERA NA MASHARTI YA LESENI YA UTANGAZAJI.
...
KWA MUJIBU WA BARUA ALIYOPELEKEWA MKURUGENZI WA RADIO NOOR FM YENYE KUMBUKUMBU NAMBA TUZ/RAN.4/VOL1/22 YA TAREHE 6 MWEZI WA TATU 2013 RADIO NOOR IMEONYWA KUACHA TABIA HIYO MARA MOJA NA KWAMBA TUME HIYO ITACHUKUWA HATUA YAKINIDHAMU IWAPO KITUO HIKI KITAREJEA KITENDO HICHO.

HATA HIVYO TUME HIYO HAIKUFAFANUA KUHUSU VIPINDI HIVYO VYA TAREHE 17-19 OKTOBA MWAKA JANA.

AKITHIBITISHA KUPOKEA BARUA HIYO MKURUGENZI WA RADIO NOOR FM AL-USTADH MOHD SULEIMAN ALI AMESEMA KUWA UONGOZI WA KITUO HIKI UTAKAA NAKUTAFAKARI KUHUSU ONYO HILO.

AMEFAFANUA KUWA HAONI KUWA WAKATI HUU NI MUAFAKA KUZUNGUMZIA LOLOTE IWAPO TUME IMEJITOSHELEZA NA UTAFITI WAKE ILIYOFANYA HAPO AWALI KWA KUTOA DODOSO AMBAZO WALIPEWA BAADHI YA WASKILIZAJI KUTOA MAONI YAO IWAPO KITUO HIKI KIMECHANGIA KATIKA KUCHOCHEA VURUGU.

AIDHA MKURUGENZI HUYO AMESEMA KUWA TAARIFA KAMILI ITATOLEWA NA UONGOZI WA RADIO NOOR FM MARA BAADA YAKUITAFAKARI BARUA HIYO.

HIVI KARIBUNI IDHAA NYENGINE YA KIISLAM YA RADIO IMAAN FM INAYORUSHA MATANGAZO YAKE KUTOKA MJINI MOROGORO TANZANIA BARA ILIFUNGIWA KWA MUDA WA MIEZI SITA NA KAMATI YA MAADILI YA MAMLAKA YA MAWASILIANO TANZANIA TCRA KUTOKANA NA MADAI YA KUWASHAJIHISHA WANANCHI WATOSHIRIKI KATIKA SENSA YA WATU NA MAKAZI.